挑战长隆 3大传奇鬼屋！澳门市民独家8折！Travel佳

2020-07-11|浏览量：484|点赞：739

(Presented by长隆海洋王国)

又到一年一度试胆万圣月，各大小商场已经充斥住唔同主题嘅鬼屋，我Travel佳呢几个星期一直以挑战鬼屋为头号消遣活动，今日又有新推介俾大家，就係长隆海洋王国重金开发嘅万圣节专区，唔止玩法新鲜刺激，仲有激笋优惠益澳门朋友，想知係咩就继续睇落去！

万圣节重本力作

长隆海洋王国今年特别隆重其事，专程开发咗个Halloween专区「横琴码头」。专区以海上鬼怪故事为主题，里面3间鬼屋分别以「逃」、「死海寻宝」同「灵号仓库」命名，斋听个名都觉得阴森恐怖。今次另一特点係除咗互动场景之外，仲加入VR虚拟实境技术，逼真度同刺激感即时升级十倍，入场前真係要做好心理準备。

「逃」出生天

海盗加惊涛骇浪再加漆黑一片最易发生咩事？无错，係灵异事件！率先要同大家介绍嘅「逃」鬼屋以沉船为主题，呢度total有10个场景，一班专业演员嘅演出同灯光已经营造到个气氛好紧张，一路行仲要一路听住地板发出嘅「吱吱」声，搞到成个人身心俱寒，加上海浪效果、互动场景呢类体验，好似一次过经历晒古老沉船上可能出现嘅诡异情节咁。

见到呢个位最惊唔係坐喺度只鬼，反而係惊副盔甲会突然扑出嚟吓人。

呢只鬼嘅肢体扭曲咁，似乎临死前遭受过惨痛嘅折磨，应该係厉鬼嚟，快闪为妙！

虚拟实境「死海寻宝」

跟住要讲嘅鬼屋「死海寻宝」主打高科技感官体验，透过VR虚拟实境，大家可以全方位冇死角咁探索恶名昭彰嘅猛鬼邮轮，每一下头部转动都会触发唔同嘅画面、声音、同震动，呢种睇得见但摸唔到又避不过嘅感觉，实在令人步步惊心。

透过VR俾鬼吓又係另一种惊法，坐喺度看似平静，其实心跳早已急剧上升。

魅幻「灵号仓库」

3间鬼屋中以「灵号仓库」最科幻神秘，仓库入面收集咗各式各样嘅深海怪兽标本，穿过实验室、解剖室会见到好多受病毒感染嘅工作人员同怪形怪相嘅变种异型生物，仲有充满科幻感嘅时光隧道、镜迷宫同大型机械特效，感觉愈行愈迷失，好似亲身经历紧生化危机嘅情节咁。

异型生物啲样做得好逼真下，近睇惊吓指数的确极高。

呢班实验室工作人员个个受晒病毒感染变成丧尸样，你绝对唔会想睇到佢哋真面目。

暗黑派对

除咗3大鬼屋，横琴码头仲会大搞Halloween Party，现场有成班鬼怪一齐玩一齐癫，仲有南瓜、海盗、骷髅造型等主题Selfie Point，当然唔少得免费鬼妆服务，大家可以齐齐变妆成哗鬼，尽情投入愈夜愈精彩嘅鬼魅世界。

一班鬼怪已Ready好喺横琴码头迎接大家~

澳门人必知！

咪话我净係识关照香港朋友，今次呢个着数係专为澳门居民而设。由而家起至11月6日，万圣节专区会喺指定日子夜场时段开放，澳门市民出示澳门身份证就可以8折现场购买即日夜场门票，特价日同正价日门票折咗分别只係RMB160同RMB200咋，每人每日仲可以买8张门票咁多，一班人去真係好抵玩，各位澳门朋友买飞时记得Show身份证呀！

非澳门居民都唔洗失望，事关10月21至25日有Ladies’ Night优惠，女士们入场只需要RMB99，无论现场定係网上购票都係呢口价㗎！

温提埋大家，夜场时段可以玩足7个钟，识玩一定喺4pm至8pm呢段时间玩尽海洋王国嘅园内设施，留返8pm至11pm先玩鬼屋同参加Halloween Party，咁就最善用门票喇！